პრინც უილიამისა და ქეით მიდლტონის თაფლობის თვე რომ სეიშელის კუნძულებზე იგეგმებოდა, ეს ყველამ იცოდა და თავად წყვილმაც მედიას პირობა მისცა, დაბრუნების შემდეგ თვითონვე ისაუბრებდნენ ამ თემაზე და ფოტოებსაც თავად გაავრცელებდნენ, თუმცა პაპარაცებმა მაინც არ აცალეს.

ექსკლუზიური ფოტომასალა ყველასთვის გასაოცრად ავსტრალიურმა ჟურნალმა Woman’s Day-მ გამოაქვეყნა.

"ის, რომ ახალგაზრდები თაფლობის თვეს ჩრდილოეთ კუნძულზე ერთ-ერთ ბუნგალოზე ატარებდნენ, სადაც ღამეში 5 ათას დოლარს იხდიდნენ, რამდენიმე გამომცემლობამ იცოდა. თუმცა მათმა რედაქციებმა ეს ფაქტი თავად ბუკინგემის სასახლის თხოვნით არ გაახმაურეს. თავად ფოტოები კი ერთ-ერთმა ბრიტანელმა ფოტოგრაფმა გადაიღო, რომელმაც 15 თვე მოიცადა და მხოლოდ შემდეგ გამოაქვეყნა ისინი სწორედ ავსტრალიურ გამოცემაში, რადგან ბრიტანულ და ამერიკულ მედიაში ეს პრობლემურ საკითხს წარმოადგენს", - აღნიშნავს Daily Beast.

თუმცა, რადგან ფოტოები უკვე მსოფლიო მასშტაბით გავრცელდა, არ შეგვეძლო, თქვენთვისაც არ შემოგვეთავაზებინა.