26 წლის მსახიობის გიორგი ფოჩხუას მკვლელობაში ეჭვმიტანილი ბექა ცობეხია დაკავებულია.

როგორც "პირWელს" ინფორმირებულმა წყარომ აცნობა, ცობეხიას აყვანა ქართული პოლიციისა და აფხაზური მილიციის ერთობლივი ოპერაციის ჩატარების შედეგად განხორციელდა.

მისივე ცნობით, ასევე დაკავებულია მკვლელობის ერთ-ერთი თანამონაწილე, რომელიც ადგილობრივ პოლიციაში საკუთარი ნებით გამოცხადდა.

თავის მხრივ, "პირWელი" საქართველოს შინაგან საქმეთა მინისტრის მოადგილეს შოთა ხიზანიშვილს დაუკავშირდა, რომელმაც აღნიშნული ინფორმაცია არ დაადასტურა, მაგრამ არც უარყო.

"ჯერჯერობით, ვერანაირ კომენტარს ვერ გავაკეთებთ", - განაცხადა ხიზანიშვილმა.

შეგახსენებთ, რომ გიორგი ფოჩხუას ცხედარი 14 ივლისს ანაკლიაში ზღვამ გამორიყა, სადაც იგი მეგობრებთან ერთად იმყოფებოდა.

ცნობისთვის, ფოჩხუას მკვლელობაში ბრალდებულის სავარაუდო ვინაობის შესახებ ინფორმაცია გუშინ გავრცელდა, დღეს კი სოციალურ ქსელებში მისი ფოტოც გამოაქვეყნეს.

როგორც "პირWელთან" საუბრისას გიორგი ფოჩხუას ახლობლები აცხადებენ, ბექა ცობეხია ბოლო პერიოდში ზუგდიდის ციხის ბადრაგი იყო.

ამასთან, ახლობლები აცხადებენ, რომ გარდაცვლილი სავარაუდოდ, ჯერ გაძარცვეს, შემდეგ კი მოკლეს.

გიორგი ფოჩხუას მეუღლე და ერთი შვილი დარჩა.

თელარა გელანტია